بلوچستان نیشنل پارٹی کی جانب سے گذشتہ روز پورے بلوچستان میں پہیہ جام ہڑتال کے بعد متعدد رہنماؤں کے خلاف ایف آئی آر درج کی گئی ہے۔
پارٹی رہنمائوں کا کہنا ہے کہ بلوچستان حکومت کی جانب بی این پی کے مرکزی سینئر نائب صدر ساجد ترین ایڈووکیٹ اور دیگر پارٹی رہنماؤں کے خلاف ایف آئی آر درج کرادی گئی ہے۔
ایف آئی آر میں سیکرٹری اطلاعات بی این پی آغا حسن بلوچ، سیکرٹری انسانی حقوق احمد نواز بلوچ، موسیٰ بلوچ، ضلعی صدر غلام نبی مری غلام رسول مینگل اور دیگر بھی شامل ہیں۔
اس حوالے سے بی این پی کے مرکزی سینئر نائب صدر ساجد ترین ایڈووکیٹ نے کہا کہ ہم نے مارشل لاء کے دور میں ایسی درجنوں بوگس ایف آئی آر دیکھی ہیں، اگر آمروں کی حکومت کی ایف آئی آر ہمیں ڈرا نہیں سکتیں تو اسٹیبلشمنٹ کی کٹھ پتلی سرفراز حکومت بھی نہیں ڈرا سکتی۔
