بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں کراچی میں رینجر پر بم حملے کی ذمہ داری قبول کرلی ہے ۔
ترجمان کا کہنا تھا کہ بلوچستان لبریشن فرنٹ کے سرمچاروں نے کراچی میں پاکستانی رینجر پر دستی بم سے حملہ کیا ہے۔
انہوں نے کہا کہ سرمچاروں نے 28 جون کو رات دس بجے کراچی کے علاقے غریب شاہ میں قائم پاکستانی رینجر کی چوکی پر دستی بم سے حملہ کیا۔ چوکی میں تین اہلکار موجود تھے۔
ترجمان نے کہا کہ دستی بم چوکی کے اندر جا گرا جس سے ایک اہلکار ہلاک اور دو زخمی ہوئے ہیں۔
انہوں نے کہا کہ بلوچستان لبریشن فرنٹ اس حملے کی ذمہ داری قبول کرتی ہے۔ دشمن فورسز پر حملے جاری رہیں گے۔
