شیهو راج ءِ دلانی جاگه اِنت
شهیو انگت بلے مئے همراه اِنت
شهیو سر تو وتئی مڑاه پہ دات
شهیو تو گلزمیں ساه بَکشات
شهیو تئی پگر آجوئی ءِ راه اِنت
شهیو هوناں تئی پُل رودینتگ
شهیو ماتانی دل تو کدوینتگ
شهیو بیا بالگتر تئی جنگجاه اِنت
شهیو تو دژمناں آسے دات
شهیو پگر ءَ تئی جنگ ءَ براسے دات
شهیو سُهریں دروت تئی ارواه اِنت
شهیو تئی سبر چو کہ بولان اَت
شهیو هرجاه تئی گپ ءُ دیوان اَت
شهیو آجوئی منزل ءُ راه اِنت
شهیو ناز ءَ تو هشک ءُ هیران کُت
شهیو مارا تو ارس ءِ دیمپاں کُت
شهیو گلباگ تئی هند ءُ جاگه اِنت
