بلوچستان میں بلوچ آزادی پسندوں کے حالیہ حملوں کے بعد اگر چہ حالات آہستہ آہستہ معمول پر آرہے ہیں لیکن سیکورٹی کے خطرات تاحال موجود ہیں ۔
بلوچستان کے مرکزی شہر کوئٹہ میں دفعہ 144 نافذ کردی گئی ہے ۔
کوئٹہ پولیس نے جاری ایک بیان میں کہا ہے کہ دفعہ 144 کے نفاذ کے دوران پہیہ جام، شٹر ڈاؤن، زبردستی دکانیں بند کروانا، سڑکیں بلاک کرنا یا کسی بھی قسم کی ہڑتال کی قطعی اجازت نہیں دی جائے گی۔
ضلعی انتظامیہ کے احکامات کے تحت کوئٹہ شہر میں دفعہ 144 نافذ العمل ہے، جس کا مقصد شہریوں کی جان و مال کا تحفظ، امن و امان کی بحالی اور معمولاتِ زندگی کو برقرار رکھنا ہے۔
دفعہ 144 کے نفاذ کے دوران پہیہ جام، شٹر ڈاؤن، زبردستی دکانیں بند کروانا، سڑکیں بلاک کرنا یا کسی بھی قسم کی ہڑتال کی قطعی اجازت نہیں دی جائے گی۔
دفعہ 144 کی خلاف ورزی کرنے والے افراد، تنظیمیں یا سہولت کاروں کے خلاف قانون کے مطابق سخت کارروائی عمل میں لائی جائے گی اور ذمہ دار عناصر کو تھری ایم پی او (3 MPO) کے تحت گرفتار کر کے بند کیا جائے گا۔
کوئٹہ پولیس نے شہریوں سے اپیل کی ہے کہ وہ قانون نافذ کرنے والے اداروں سے تعاون کریں، افواہوں پر کان نہ دھریں اور شہر کے امن و استحکام کو برقرار رکھنے میں اپنا مثبت کردار ادا کریں۔
