سرکاری ملازمین کی تنظیم بلوچستان گرینڈ الائنس کے ترجمان علی بخش جمالی نے کہا ہے کہ ہمارا اپنے مطالبات کے حق میں پر امن آئینی جمہوری احتجاج جاری ہے جس کے تحت 12اور 13جنوری کو بلوچستان بھر کی قومی شاہراہیں بلاک کریں گے اور 15جنوری کے بعد تعلیمی اداروں اور ہسپتالوں میں او پی ڈی اے علاوہ مکمل لاک ڈان کیا جائے گا اور جومنتخب عوامی نمائندے ہمارے مطالبات کی حمایت نہیں کریں گے ہم آنے والے انتخابات میں انہیں ووٹ نہیں دیں گے۔
اپنے جاری کردہ بیان میں انہوں نے کہا کہ بلوچستان گرینڈ الائنس گزشتہ کئی عرصہ سے بلوچستان بھرمیں ملازمین کے جائز مطالبات اور حقوق کے حصول کے لئے پر امن آئینی جمہوری اور سیاسی جدوجہد کررہی ہے تاحال فارم47کے حکمران گرینڈ الائنس کے لاکھوں ملازمین کے حقوق کے حصول کے لئے رخنہ ڈال رہے ہیں جس کی وجہ سے ہمارے خلاف موجودہ حکومت کی جانب سے کارروائیاں شروع کر کے ہمارے عہدیداروں کو گرفتار کر کے پابند سلاسل کرنے کے ساتھ ساتھ ان کے خلاف ناروا اقدامات کر کے غیر قانونی کارروائی کی جارہی ہیں جس کی ہم مذمت کرتے ہیں ۔
انہوں نے کہا کہ گرینڈ الائنس کے ملازمین احتجاج کرتے ہوئے ڈنڈے کھا رہے ہیں اور خواتین ملازمین کے خلاف بھی انتقامی کارروائیاں کی جارہی ہیں لیکن ہم اپنے مطالبات کے حصول تک پر امن تک جاری رکھیں گے اس لئے 12اور 13جنوری کو احتجاجی شیڈول کے مطابق قومی شاہراہوں کو خضدار ، نصیر آباد، سبی، گوادر ، قلعہ سیف اللہ، ژوب، جعفر آباد اور دیگر مقامات پر بند کرکے احتجاج کریں گے۔
بیان میں کہا گیا کہ اس کے بعد 15جنوری کو بلوچستان کے تعلیمی اداروں اور ہسپتالوں تعلیمی اور ہیلتھ سروسز کا بائیکاٹ کریں گے ،ہسپتالوں میں صرف او پی ڈی کھلی ہو گی میں جعفر آباد ، نصیر آباد میں قومی شاہراہ سبی کراچی کو بند کرں گا اور باقی رہنمااور عہدیدار دیگر اپنے علاقوں میں شاہراہوں کو بندکر کے احتجاج کریں گے ۔
