بلوچستان کے ضلع کیچ کے علاقے مند میں علاقائی ذرائع کا کہنا ہے کہ گذشتہ پانچ دنوں سے پاکستانی فوج کی لشکر کشی جاری ہے جس سے علاقے میں شدید خوف وہراس پھیل گیا ہے ۔
گذشتہ کئی دنوں سے فوجی دستے مختلف علاقوں میں دیکھے گئے اب اطلاعات ہیں پہاڑی علاقوں میں داخل ہو چکے ہیں۔
علاقائی ذرائع کے دعوے کے مطابق فوج نے مہیر اسماعیلی، کل چات، سُہریں کوہ اور ان سے ملحقہ علاقوں میں متعدد گاڑیوں اور پیدل دستوں کے ساتھ پیش قدمی کی ہے۔
ان علاقوں میں فوجی نقل و حرکت اور کارروائیاں مسلسل جاری ہیں، جب کہ علاقے میں سیکیورٹی سخت کر دی گئی ہے۔
تاہم تاحال کسی گرفتاری یا ہلاکت کی تصدیق نہیں ہو سکی ہے۔
