ڈیرہ اسماعیل خان کے قریب حملے میں پاکستانی فوج کا میجر رینک افسر سمیت متعدد اہلکار زخمی ہوئے ہیں۔
واقعہ مبینہ طور پر N-50 ہائی وے پر قائم ایک چوکی پر پیش آیا۔
پاکستانی میڈیا کے مطابق کوئٹہ سے اسلام آباد جاتے ہوئے ایک میجر رینک کے فوجی افسر پر اس وقت حملہ کیا گیا جب صوبہ خیبر پختونخواہ کے علاقے درابن، ڈیرہ اسماعیل خان میں مسلح افراد نے شاہراہ پر ناکہ بندی کردی تھی۔
میجر کے ہمراہ متعدد دیگر اہلکاروں کی زخمی ہونے کی اطلاعات ہیں۔
حملے کی ذمہ داری تاحال کسی گروپ نے قبول نہیں کی ہے، تاہم اس علاقے میں ٹی ٹی پی متحرک ہیں اور پاکستانی فورسز پر حملوں میں ملوث رہے ہیں۔
