بلوچستان کے ضلع کیچ کے مرکزی شہر تربت میں یونیورسٹی آف تربت کے کمپیوٹر سائنس کے لیکچرار بالاچ بالی کی پاکستانی فورسز کے ہاتوھں جبری گمشدگی کے خلاف طلبا، طالبات اور اساتذہ نے یونیورسٹی کے احاطے میں احتجاجی مظاہرہ شروع کردیا ہے۔
مظاہرے میں شریک طلبا و اساتذہ کا کہنا ہے کہ ایک پرامن شہری اور تدریسی عمل سے وابستہ استاد کو اس طرح حراست میں لے کر نامعلوم مقام پر منتقل کرنا غیرقانونی اور تشویشناک عمل ہے۔
مظاہرین نے مطالبہ کیا کہ بالاچ بالی کو فوری طور پر منظرِ عام پر لایا جائے اور ان کی خیریت سے متعلق فی الفور آگاہ کیا جائے۔
احتجاجی شرکا نے خبردار کیا کہ اگر متعلقہ حکام نے جلد از جلد کارروائی نہ کی تو احتجاج کا دائرہ مزید وسیع کیا جائے گا اور یونیورسٹی کی سطح سے باہر بھی اس مسئلے کو اٹھایا جائے گا۔
خاندانی ذرائع کا کہنا ہے کہ سیکورٹی فورسز نے بالاچ کو گذشتہ شب اس وقت حراست میں لینے کے بعد نامعلومقام پر منتقل کردیا جب وہ تربت بازار سے گھر لوٹ رہا تھا۔
