بلوچ لبریشن آرمی( بی ایل اے) کے ترجمان جیئند بلوچ نے میڈیا کو جاری کردہ اپنے ایک پریس ریلیز میں بلیدہ اور مستونگ میں پاکستانی فوج پر حملوں کی ذمہ داری قبول کرلی۔
ترجمان نے کہا کہ بلوچ لبریشن آرمی کے سرمچاروں نے بلیدہ اور مستونگ میں دو مختلف حملوں میں قابض پاکستانی فوج کو نشانہ بناکر جانی نقصانات سے دوچار کیا۔
ان کا کہنا تھا کہ کیچ کے علاقے بلیدہ، گلی میں آج بلوچ لبریشن آرمی کے سرمچاروں نے قابض پاکستانی فوج کے پیدل اہلکاروں کو اس وقت نشانہ بنایا جب وہ قابض فوج کے قافلوں کو سیکورٹی فراہم کررہے تھے۔ حملے میں قابض فوج کا ایک اہلکار موقع پر ہلاک اور مزید ایک اہلکار زخمی ہوگیا۔
انہوں نے کہا کہ بلوچ لبریشن آرمی کے سرمچاروں نے منگل کی شب مستونگ شہر میں قائم قابض پاکستانی فوج کے مرکزی کیمپ پر گرنیڈ لانچر سے گولے داغ کر دشمن فوج کے پوزیشنز کو نشانہ بنایا۔ حملوں میں قابض فوج کو جانی و مالی نقصانات کا سامنا کرنا پڑا۔
بیان میں کہا گیا کہ بلوچ لبریشن آرمی ان حملوں کی ذمہ داری قبول کرتی ہے۔
