بلوچستان کے علاقے زیارت میں نامعلوم مسلح افراد نے ایک تعمیراتی کمپنی کے کیمپ پر حملہ کرکے پہلے عملے کو کمروں میں بند کیا اور قیمتی مشینریز کو نذرآتش کردیا۔
جبکہ بعدازاں مسلح افراد نے جاتے جاتے کمروں میں بند عملے کو باہر نکال کر رہائشی کوارٹربھی کو آگ لگا دی۔
کمپنی نے الزام لگایا ہے کہ متعدد بار سیکیورٹی کی درخواستوں کے باوجود لیویز اہلکار تعینات نہ کیے گئے۔
انہوں نے کہا کہ ضلعی انتظامیہ کی غفلت سے کروڑوں روپے کا نقصان اور عملے کی جانیں خطرے میں پڑ گئیں۔
یاد رہے کہ اس سے پہلے بھی بلوچستان کے مختلف اضلاع میں تعمیراتی کمپنیوں پر اسی نوعیت کے حملے کیے گئے ہیں جب کہ ڈی بلوچ کمپنی کے دو درجن کے قریب کارندے اغوا کیے گئے ہیں۔
