بلوچستان کے مرکزی شہر کوئٹہ سے گذشتہ دنوں پاکستانی فورسز کے ہاتھوں جبری لاپتہ ہونے والا نیشنل ڈیموکریٹک پارٹی ( این ڈی پی) کے مرکزی ڈپٹی آرگنائزرسلمان بلوچ اور ایک کارکن دلیپ بازیاب ہوگئے۔ تاہم ساحر بلوچ نامی ایک اور ساتھی تاحال لاپتہ ہے ۔
نیشنل ڈیموکریٹک پارٹی نے انکی بازیابی کی تصدیق کرتے ہوئے کہاکہ ہمیں یہ اعلان کرتے ہوئے خوشی ہو رہی ہے کہ ہمارے مرکزی نائب آرگنائزر سلمان بلوچ اپنے ایک ساتھی دلیپ داس کے ساتھ کچھ دیر پہلے بخیریت گھر واپس آگئے ہیں۔
انہوں نے کہاکہ ہم اُن تمام افراد اور سیاسی جماعتوں کا شکریہ ادا کرتے ہیں جنہوں نے مشکل وقت میں ہمارے ساتھ کھڑے ہو کر ہر ممکن تعاون کیا۔
پارٹی نے کہاکہ اگرچہ ہمیں اپنے دو ساتھیوں کی بازیابی پر خوشی ہے، لیکن ہم جبری گمشدگیوں کے عمل کی سخت ترین الفاظ میں مذمت کرتے ہیں اور اپنے دیگر لاپتہ ساتھیوں، بشمول غنی بلوچ اور ثنا کھتران بلوچ، سمیت تمام غیر قانونی طور پر قید بلوچوں کی رہائی کا مطالبہ کرتے ہیں۔
