بلوچستان کے ضلع کیچ کے علاقے بلیدہ میں فائرنگ سے ایک شخص ہلاک ہوگیا جبکہ تربت میں کیچ ندی سے برآمد ہونے والے نعش کی شناخت ہوگئی ہے۔
بلیدہ کے علاقے میناز میں محمد آباد میں نامعلوم موٹر سائیکل سواروں کی فائرنگ سے علی ولد سعید نامی نوجوان ہوگیا۔
مقامی ذرائع کے مطابق حملہ آور فائرنگ کے بعد موقع سے فرار ہونے میں کامیاب ہوگیا۔
قتل کے محرکات معلوم نہیں ہوسکے ۔
دوسری جانب تربت میں کیچ ندی سے برآمد ہونے والے لاش کی شناخت ہوگئی ہے۔
پولیس کے مطابق کیچ کور ندی سے ایک شخص کی لاش ملی ہے جسے گولیاں مار کر قتل کیا گیا ہے۔
لاش کی شناخت عبدالخالق ولد امیر بخش سکنہ دشتی بازار سے ہوئی ہے۔
قتل کے محرکات معلوم نہیں ہوسکے۔
