بلوچستان کے ضلع گوادر کے علاقے پیشکان اور گنز کے درمیان سمندری علاقے میں ایک ماہی گیری کشتی ڈوب گئی جس کے نتیجے میں کشتی میں سوار سات ماہی گیر ڈوب گئے جس میں ناخدا کی نعش برآمد ہوگئی ہے جبکہ باقی چھ ماہی گیر تاحال لاپتہ ہیں۔
اطلاعات کے مطابق یہ واقعہ اس وقت پیش آیا جب ماہی گیری کشتی پیشکان اور گنز کے درمیان سمندر میں مچھلیاں پکڑنے کے لیے گئی ہوئی تھی ۔
مقامی لوگوں نے بتایا کہ کشتی کے ناخد لعل محمد بلوچ کی نعش برامد ہوئی ہے جبکہ دیگر ماہی گیر تاحال لاپتہ ہیں۔
لاپتہ چھ ماہی گیروں میں سے تین کا تعلق صوبہ سندھ سے ہے واقعے کی اطلاع ملنے کے باوجود سرکاری ریسکیو ٹیم ابھی تک موقع پر نہیں پہنچ سکی اس صورتحال میں مقامی ماہی گیروں نے خود امدادی کارروائیاں شروع کر دی ہیں اور اپنی کشتیوں کے ذریعے لاپتہ ساتھیوں کی تلاش میں مصروف ہیں۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
