ہیومن رائٹس کمیشن آف پاکستان کی جانب سے جاری اپنے ایک بیان میں کہا گیا ہے کہ ایچ آر سی پی 18 مزدوروں کے اغوا اور خضدار کے علاقے نال میں ایک تعمیراتی کیمپ پر آتش زنی کے حملے کی شدید مذمت کرتا ہے جو کہ حالیہ دنوں میں بلوچستان میں ایسا دوسرا واقعہ ہے۔
اپنے بیان میں ان کا کہنا تھا کہ اندرونی تارکین وطن کارکنوں کو نشانہ بنانا خطے کی بگڑتی ہوئی سلامتی کی صورتحال اور اپنے شہریوں کے تحفظ میں ریاست کی ناکامی کو واضح کرتا ہے۔
بیان میں مزید کہا گیا کہ مغوی مزدوروں کو بحفاظت بازیاب کرایا جائے اور ذمہ داروں کا محاسبہ کیا جائے۔
ایچ آر سی پی کا کہنا تھا کہ حکومت کو ترقیاتی منصوبوں پر کارکنوں کی حفاظت کو ترجیح دینی چاہیے اور عدم تحفظ اور استثنیٰ کی بنیادی وجوہات کو دور کرنا چاہیے جو بلوچستان بھر میں شہریوں کو خطرے میں ڈال رہے ہیں۔
