بلوچستان لبریشن فرنٹ( بی ایل ایف)کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں واشک حملے میں پاکستانی فوجی قافلے کی سکیورٹی پر مامور 4 ایف سی اہلکاروں کی ہلاکت کی ذمہ داری قبول کرلی۔
ترجمان نے کہا کہ دس ستمبر کو بلوچستان لبریشن فرنٹ کے سرمچاروں نے واشک کے علاقہ پّتک میں سی پیک روڈ پر قابض پاکستانی فوجی قافلے کی سکیورٹی پر تعینات فرنٹیئر کور کے اہلکاروں کو دو مختلف مقامات پر حملوں میں انتہائی قریب سے نشانہ بنایا، جس کے نتیجے میں چار ایف سی اہلکار موقع پر ہلاک ہوئے۔
ان کا کہنا تھا کہ حملے کے فوری بعد قابض پاکستانی فوج کو فضائی مدد فراہم کی گئی اور ہنگامی صورت میں ہیلی کاپٹرز جائے وقوعہ پر پہنچے ۔ تاہم سرمچار کامیاب کاروائی کے بعد باحفاظت نکلنے کے بعد اپنے محفوظ ٹھکانوں پر پہنچ گئے۔
انہوں نے کہا کہ بلوچستان لبریشن فرنٹ واشک میں قابض پاکستانی فوجی قافلے کی سکیورٹی پر مامور ایف سی کے دستوں کو حملے میں نشانہ بناکر چار اہلکاروں کو ہلاک کرنے کی ذمہ داری قبول کرتا ہے اور اس عزم کا اعادہ کرتا ہے کہ بلوچستان کی آزادی تک قابض فوج کو نشانہ بنایا جائے گا۔
