بلوچ لبریشن آرمی ( بی ایل اے ) کے ترجمان جیئند بلوچ نے میڈیا کو جاری کردہ اپنے ایک پریس ریلیز میں ضلع کیچ کے علاقے تمپ میں پاکستانی فوج کے 7 اہلکاروں کی ہلاکت کی ذمہ داری قبول کرلی۔
ترجمان نے کہا کہ بلوچ لبریشن آرمی کے سرمچاروں نے تمپ میں قابض پاکستانی فوج کو آئی ای ڈی حملے میں نشانہ بنا کر شدید نقصانات سے دوچار کیا، جبکہ مستونگ میں معدنیات لے جانے والی گاڑی کو بھی نشانہ بنایا۔
انہوں نے کہا کہ بی ایل اے کے سرمچاروں نے کیچ کے علاقے تمپ، نذر آباد میں قابض پاکستانی فوج کے قافلے میں شامل ایک گاڑی کو ریموٹ کنٹرول آئی ای ڈی کے ذریعے نشانہ بنایا۔ دھماکے کے نتیجے میں فوجی گاڑی مکمل طور پر تباہ ہوگئی اور اس میں سوار تمام سات اہلکار ہلاک ہوگئے۔
ان کا کہنا تھا کہ اسی طرح بلوچ لبریشن آرمی کے سرمچاروں نے مستونگ کے علاقے کھڈکوچہ میں معدنیات لے جانے والی ایک گاڑی پر حملہ کیا اور اسے نقصان پہنچایا۔
بیان میں کہا گیا کہ بلوچ لبریشن آرمی ان حملوں کی ذمہ داری قبول کرتی ہے۔
