بلوچستان کے ساحلی شہر پسنی کے ماہی گیروں اور فش کمپنی مالکان میں مچھلیوں کے ریٹ پر تنازع پر ماہی گیروں نے احتجاجاً اپنی کشتیاں کھڑی کرکے سمندر میں جانے سے بائیکاٹ کر دیا۔
اس سلسلے میں کہدہ عبد الکریم کوآپریٹو سوسائٹی کے جنرل سیکرٹری عنایت پشمبے نے گفتگو کرتے ہوئے کہا کہ فش فیکٹری مالکان نے ہمیں اطلاع دئیے بغیر آپس میں میٹنگ کرکے مچھلیوں کے ریٹ پر فی کلو 40 سے 50 روپے کمی کر دی جو ماہی گیروں کے ساتھ سراسر زیادتی ہے۔
انہوں نے کہا کہ جب مچھلیوں کی پیداوار میں اضافہ ہوگا تو کمپنی مالکان اپنی من مانی کرکے مچھلیوں کے ریٹ کم کر دیتے ہیں جس کیخلاف ہم نے احتجاجاً سمندر جانے کا بائیکاٹ کردیا ہے تاوقتیکہ ماہی گیروں اور فش کمپنی مالکان کے مابین ریٹ طے نہیں ہوتے ہیں۔
