بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میں قلات آئی ای ڈی حملے میں پاکستانی فوج کے 5 اہلکار وں کی ہلاکت کی ذمہ داری قبول کرلی۔
ترجمان نے کہا کہ بلوچ لبریشن آرمی کے سرمچاروں نے قلات میں ایک حملے میں قابض پاکستانی فوج کو نشانہ بناکر شدید جانی نقصانات سے دوچار کردیا۔
انہوں نے کہا کہ بی ایل اے کے سرمچاروں نے قلات کے علاقے ہربوئی میں قابض پاکستانی فوج کے قافلے میں شامل ایک گاڑی کو ریموٹ کنٹرول آئی ای ڈی حملے میں نشانہ بنایا، دھماکے کے نتیجے میں پانچ دشمن اہلکار موقع پر ہلاک اور میجر رینک کے آفیسر سمیت تین اہلکار شدید زخمی ہوگئے جبکہ دشمن فوج کی گاڑی مکمل تباہ ہوگئی۔
بیان میں کہا گیا کہ قابض پاکستانی فوج گذشتہ روز سے ہربوئی اور گردنواح میں جارحیت کی غرض سے پیش قدمی کی کوشش کررہی ہے جس کو سرمچاروں نے حملے میں نشانہ بناکر آج پھر سے پسپا ہونے پر مجبور کردیا۔
انہوں نے کہا کہ بلوچ لبریشن آرمی اس حملے کی ذمہ داری قبول کرتی ہے۔
