بلوچستان کے ضلع ژوب سے اطلاعات ہیں کہ مبینہ اغوا کار نے خود کو دھماکے سے اڑا لیا جب کہ لیویز فورسز اور قبائیلیوں سے فائرنگ کے تبادلے میں دیگر 2 اغوا کار بھی مارے گئے۔
اسسٹنٹ کمشنر ژوب محمد نوید عالم کے مطابق گذشتہ روز اغوا کاروں نے قلعہ سیف اللہ کے علاقے سے 2 افراد کو اغوا کیا تھا۔
انہوں نے بتایا کہ لیویز فورس اور قبائلیوں نے اغوا کاروں کا تعاقب کیا، اس دوران ایک اغوا کار نے خود کو دھماکے سے اڑا لیا۔
انہوں نے بتایا کہ اس دوران 2 اغواکاروں کو ہلاک کردیا گیا جب کہ چوتھے اغوا کار کی تلاش جاری ہے۔
انہوں نے بتایا کہ کارروائی کے دوران ایک مغوی کو بازیاب کر الیا گیا جب کہ فائرنگ کے تبادلے میں دوسرا مغوی اغواکاروں کی فائرنگ سے ہلاک ہوگیا۔
اسسٹنٹ کمشنر کے مطابق چوتھا ملزم مقامی اور سہولت کار بتایا جا رہا ہے جن کی تلاش جاری ہے ضلعی انتظامیہ نے لاشوں کو تحویل میں لیکر تفتیش شروع کردی تاہم ابھی ملزمان کی شناخت سے متعلق کوئی معلومات نہیں مل سکی ہے۔
