بلوچستان کے تعلیمی اداروں کی ملٹرائزیشن ، بلوچ طالبعلموں پر ریاستی کریک ڈائون اور بولان میڈیکل کالج کی بندش کے خلاف بلوچستان کے طلبا تنظیموں نے دارالحکومت کوئٹہ میں احتجاجی ریلی نکالی اور مظاہرہ کیا۔
طلبا نے کالج کے گیٹ کے سامنے جمع ہو کر اپنی آواز بلند کی اور ہاسٹل کی فوری بحالی کا مطالبہ کیا۔
مظاہرے میں شریک طلبا کا کہنا تھا کہ ہاسٹل کی بندش کی وجہ سے انہیں شدید مشکلات کا سامنا ہے، خصوصاً وہ طلبا جو دور دراز علاقوں سے تعلیم حاصل کرنے کے لیے کوئٹہ آئے ہیں۔
طلبا نے ہاسٹل کی فوری بحالی اور رہائشی سہولتوں کے انتظامات کا مطالبہ کیا۔
احتجاجی مظاہرے کے دوران کالج کے گیٹ پر پولیس کی بھاری نفری تعینات تھی، تاکہ کسی بھی ناخوشگوار واقعے سے بچا جا سکے۔
مظاہرین نے اپنے احتجاج کو پرامن انداز میں جاری رکھا اور حکام سے فوری اقدامات کی درخواست کی۔
اس حوالے سے بولان میڈیکل کالج کی انتظامیہ کا کہنا ہے کہ ہاسٹل کی بندش عارضی طور پر کی گئی ہے اور انتظامیہ جلد ہی اس مسئلے کے حل کے لیے اقدامات کرے گی۔
تاہم، طلبا کا احتجاج اس بات کا غماز ہے کہ وہ اپنے تعلیمی سفر کے دوران درپیش مشکلات کو حل کرنے کے لیے فوری اقدامات چاہتے ہیں۔
