بلوچستان کے علاقے خاران سے اطلاعات ہیں شہر کے مرکز میں واقع راسکو ہوٹل اور ڈاک خانہ کے قریب یکے بعد دیگرے دو زوردار بم دھماکوں کی آواز سنی گئی۔
ذرائع نے بتایا کہ حملہ ڈاک خانہ کے قریب ایک زیر تعمیر سرکاری دفتر پر ہوا جہاں ریاستی ایجنٹ لطیف کے کارندے موجود تھے۔
ذرائع کے مطابق حملے کا نشانہ مذکورہ کارندے معلوم ہوتے ہیں کیونکہ خاران میں اس سے قبل بھی ٹھیکیدار ا لطیف کے کارندوں پر متعدد حملے ہوچکے ہیں۔
دوسری جانب پنجگور کے علاقے چتکان میں نامعلوم مسلح افراد کی فائرنگ سے ایک شخص ہلاک ہوگیا۔
پولیس ذرائع کے مطابق پنجگور کے علاقے چتکان میں نامعلوم مسلح افراد کی فائرنگ سے عبدلغفور نامی شخص ہلاک ہوگیا جو گوارگو کا رہائشی ہے اور چتکان میں رہائش پزیر تھا۔
