پاکستانی فوج کے شعبہ تعلقات عامہ آئی ایس پی آر نے دعویٰ کیا ہے کہ بلوچستان کے ضلع کیچ کے علاقے بالگتر میں بی ایل اے کے فدائی یونٹ مجید بریگیڈ کیلئے بھرتیاں کرنے والے شخص سمیت 4 عسکریت پسندوں کا ماردیا گیا ہے ۔
آئی ایس پی آر کے دعوے کے مطابق ضلع کیچ میں سکیورٹی فورسز کی کارروائی کے دوران فائرنگ کے تبادلے میں 4 عسکریت پسند ہلاک ہوگئے۔
ان کا کہنا تھا کہ 12 اور 13 نومبر کی رات سکیورٹی فورسز نے خفیہ معلومات کی بنیاد پر آپریشن کیا۔
آئی ایس پی آر نے مزید کہا کہ آپریشن ضلع کیچ کے علاقے بالگترمیں عسکریت پسندوں کی موجودگی کی اطلاع پر کیا گیا۔
آپریشن کے دوران سکیورٹی فورسز اور عسکریت پسندوں کے درمیان شدید فائرنگ کا تبادلہ ہواجس میں 4 عسکریت پسند مارے گئے۔
آئی ایس پی آر کے مطابق ہلاک عسکریت پسندوں میں انتہائی مطلوب عسکریت پسند اور گینگ کا سرغنہ ثناعرف باروبھی شامل ہے۔
آئی ایس پی آر نے دعویٰ کیا کہ عسکریت پسند ثنا عرف بارو ضلع کیچ میں مجید بریگیڈ کیلئے بھرتیاں کرتا تھا، وہ خودکش بمباروں کا مرکزی ایجنٹ اور قانون نافذ کرنے والے اداروں کو انتہائی مطلوب تھا۔
واضع رہے کہ بلوچستان میں پاکستانی فورسز کی متعدد جعلی کارروائیوں میں پہلے سے جبری لاہتہ افراد کا ماورائے عدالت قتل کے کئی واقعات سامنے آچکے ہیں۔
