بلوچستان لبریشن فرنٹ کے ترجمان میجر گھرام بلوچ نے میڈیا کو جاری کردہ اپنے ایک پریس ریلیز میںبلوچستان کے علاقے مستونگ میں موبائل ٹاورز کی مشینری کو نذر آتش کرنے کی ذمہ داری قبول کرلی۔
ترجمان کا کہنا تھا کہ سرمچاروں نے پانچ اگست بروز پیر صبح ساڑھے نو بجے مستونگ کے علاقے کھڈ کوچہ میں کلی یلی کے نزدیک ٹیلی نار موبائل اور یوفون کمپنی کے ٹاور کو فائرنگ کرکے ٹاور سے منسلک مشینریز کو نذر آتش کردیا۔
انہوںنے کہا کہ قابض پاکستان بلوچ آزادی پسندوں کو نشانہ بنانے کے لئے موبائل ٹاورز کی جال بچھا رہی ہے تاکہ انہیں نشانہ بنائے لیکن سرمچار اس امر سے بخوبی واقف ہیں کہ پاکستان موبائل ٹاورز کی آڑ میں آزادی پسندوں کو ٹریس کرکے انہیں نشانہ بنانے کی حکمت عملی پر گامزن ہے۔
بیان میں کہا گیا کہ بی ایل ایف کی ٹیکنیکل ٹیم اور انٹیلجنس ٹیم بلوچ سرمچاروں کے ساتھ مل کر ان تمام ٹیکنالوجی کو نشانہ بنائے گی جو آزادی پسندوں کو نشانہ بنانے کے لئے نصب کئے گئے ہیں۔
ترجمان نے مزید کہا کہ بلوچستان لبریشن فرنٹ موبائل ٹاورز کو نقصان پہنچانے کی ذمہ داری قبول کرتی ہے اور آزاد بلوچستان کے حصول تک قابض فوج اور مشینری کو نقصان پہنچاتی رہی گی۔
