بلوچستان کے دارلحکومت کوئٹہ کے نواحی علاقے خیزی چوک پر موٹرسائیکل چھیننے کے دوران مزاحمت پر ڈاکوؤں کی فائرنگ سے نوجوان ہلاک ہوگیا ہے ۔
واضع رہے کہ کوئٹہ میں ہر 200میٹر پر پاکستانی فوج ، ایف سی ،انٹیلی جنس ایجنسیز، پولیس ودیگرو فورسزکی چیک پوسٹیں قائم ہیں۔
ذرائع کے مطابق خیزی چوک پر دن دیہاڑے نامعلوم افراد نے گن پوائنٹ پر سراج نامی نوجوان کو موٹرسائیکل چھیننے کے دوران مزاحمت پر فائرنگ کرکے قتل کردیا اور موٹرسائیکل لے کر فرار ہوگئے ۔
اس سلسلے میں مزید کارروائی متعلقہ پولیس کررہی ہے ۔
دوسری جانب خضدار کے سب تحصیل وڈھ کے علاقہ پلی ماس میں بجلی کی کرنٹ لگنے سے ایک شخص ہلاک ہو گیا ۔
وڈھ کے مضافاتی علاقہ پلی ماس میں بجلی کی کرنٹ لگنے سے رسول بخش ولد الہی بخش قوم براہمزئی ہلاک ہوگیا۔
مقامی انتظامیہ نے ضروری کارروائی کے بعد لاش ورثا کے حوالے کیا۔
