بلوچستان کے ساحلی شہر اور سی پیک مرکز گوادر کے علاقے بلوچ وارڈ میں نامعلوم مسلح افراد نے پاکستان کوسٹ گارڈ کے اہلکاروں پر بم سے حملہ کیااور فائرنگ کی ۔
حملے میں ہلاکتوں کا خدشہ ظاہر کیا جارہا ہے۔
دوسری جانب کوئٹہ میں پہاڑ سے گر کر ایک نوجوان ہلاک ہوگیا ۔
ریسکیو حکام کے مطابق گزشتہ روز کوئٹہ کے علاقے پشتون باغ میں کوہ مردارکے مقام پر پہاڑ پر چڑھتے ہوئے پاؤں پھسلنے سے16سالہ ظہور احمد شدید زخمی ہوگیا تھا جسے طبی امداد کے لئے ہسپتال منتقل کیا گیا تاہم دوران علاج وہ چل بسا۔
ہسپتال انتظامیہ نے ضروری کاروائی کے بعد لاش ورثاءکے حوالے کردی ۔
