بلوچستان کے ضلع ڈیرہ بگٹی کی تحصیل سوئی کے نواحی علاقے لنجو میں بارودی سرنگ کے دھماکے میں ایک شخص ہلاک ہو گیا ۔
واقعہ اتوار کی صبح لنجو کے مقام پرپیش آیا جہاں زمین میں نصب بارودی سرنگ سے ایک موٹر سائیکل ٹکرا نے سے زوردار دھماکہ ہوا جس کے نتیجے میں موٹر سائیکل سوار محب علی ولد جعفر چاکرانی بگٹی موقع پر ہی دم توڑ گیا۔
واقعے کی اطلاع ملتے ہی قریبی علاقوں سے لوگ بڑی تعداد میں جائے وقوعہ پر پہنچ گئے۔
دھماکے کی شدت اتنی زیادہ تھی کہ موٹر سائیکل مکمل طور پر تباہ ہو گئی ۔
ضروری کارروائی اور شناخت کے بعد لاش کو ورثاء کے حوالے کر دیا گیا ۔
مزید کارروائی جاری ہے۔
