بلوچستان کے ضلع ڈیرہ بگٹی کے علاقے گورناڑی میں گذشتہ رات سی ٹی ڈی پولیس نے خفیہ ادارے کے اہلکاروں کے ہمرہ ایک گھر پر چھاپہ مار کر ایک شخص کو حراست میں لیکر جبری طورپر لاپتہ کردیا۔
لاپتہ کئے جانے والے شخص کی شناخت بگن ولد میرن بگٹی کے نام سے ہوگئی ہے۔
علاقائی ذرائع کے مطابق مذکورہ شخص کے اغوا کے بعدفورسز اہلکاروں کی جانب سے لواحقین سے لاکھوں روپے کا تاوان طلب کیا جارہا ہے۔
دوسری جانب ہنگول میں ہندو مذہب کی تیرتھ یاترا ہنگلاج نانی مندر کے مقام پر اگور ندی میں نہاتے ہوئے ہندو یاتری بچہ ڈوب کر ہلاک ہوگیا ۔
ایدھی ریسکیو ذرائع کے مطابق ڈوبنے والے یاتری بچے کی نعش ندی سے نکال کر آبائی علاقہ سندھ سکھر منتقل کی جارہی ہے ۔
واضح رہے بچہ والدین کے ہمراہ ہنگلاج یاترا پر آیا تھا۔
