بلوچستان کے علاقے ڈیرہ مراد جمالی میں میاں بیوی اور بیٹی ٹرین کی زد میں آکر ہلاک ہو گئے۔
پولیس کے مطابق ڈیرہ مراد جمالی کے علاقے کچی پھاٹک کے مقام پر پھاٹک کراس کرتے ہوئے ٹرین کی زد میں آ کر تین افراد ہلاک ہو گئے ۔
حادثے کا شکار ہونے والے میاں بیوی اور ان کی 2 سالہ بچی موٹر سائیکل پر جاتے ہوئے پھاٹک کراس کررہے تھے کہ ٹرین کی زد میں آکر ہلاک ہو گئے۔
تینوں لاشوں کو ڈویژنل ہیڈکوارٹر اسپتال منتقل کردیا گیا ہے۔
