بلوچ مظاہرین کی آواز دبانے کیلئے ریاست کی جانب سے طرح طرح کے حربے استعمال کئے جارہے ہیں ۔اب کیمپ میں اسپیکر لے جانے پر روک لگادی گئی ہے ۔
پاکستان کے دارلحکومت اسلام آباد میں بلوچ نسل کشی و جبری گمشدگیوں کیخلا ف جا ری دھرنا کیمپ میں فورسز نے اسپیکر کے استعمال پر پابندی عائد کردی ہے ۔
آج کیمپ میں ایک سیمینار کا انعقاد ہونا ہے جس کیلئے باہر سے سائونڈ سسٹم لایا جارہاتھا کہ پولیس نے اسپیکر کو تحویل میں لے لیا اور اندر جانے سے روک دیا ہے ۔
واضع رہے کہ گذشتہ شب تین بجے پولیس کی موجودگی میں خفیہ ایجنسیز کے اہلکار ویگوگاڑی میں آکرکیمپ میں گھسگئے اور خواتین و بچوں کو اسلحہ دکھا کر دھمکایا اور ہراساں کیا بعد ازاں سائونڈ سسٹم کو اٹھاکر اپنے گاڑی میںڈال کرلے گئے تھے۔
اسپیکر چوری کی ویڈیو سوشل میڈیا پر وائرل ہوگئی تھی۔
بلوچ یکجہتی کمیٹی کا اس سلسلے میں کہنا تھا کہ بی وائی سی کا سیمینار شروع ہونے والا ہے لیکن پولیس ہمیں اپنے اسپیکر لانے نہیں دے رہیہے ۔
ان کا کہنا تھا کہ اگر ریاست واقعی سوچتی ہے کہ اس سے طرح کے حربوں سے انصاف کے لیے ہماری آوازیں کم ہو جائیں گی یہ ان کی بھول ہے ۔
