بلوچ آزادی پسند رہنما عبدالنبی بنگلزئی نے مستونگ واقعے پر افسوس کا اظہار کرتے ہوئے کہا کہ بلوچ سماج میں مذہبی منافرت کے ذریعے افراتفری و خوف پھیلا کر بلوچ سماج کو تقسیم کرنے کی پالیسی قابض ریاست کا طے شدہ پروگرام ہے۔
انھوں نے کہا کہ ریاست کی یہ غلیظ پالیسیاں بلوچ سماج کو پراگندہ کرنے میں ہمیشہ ناکام ہوئی ہیں ،بلوچ سماج میں اس طرح کے وحشیانہ عمل کو نہ برداشت کیا جائے گا اور نہ ہی اس کی اجازت دی جائے گی۔
آخر میں انہوں نے انسانی جانوں کے زیاں پر افسوس اور تکلیف کا اظہار کرتے ہوئے کہا کہ شہداء کو اللہ تعالی جنت الفردوس میں جگہ دیں اور ورثا کو صبر جمیل عطا فرمائیں۔
