بلوچستان کے ڈسٹرکٹ بارکھان کے یونین کونسل وٹاکڑی کے علاقے جوگیانی میں زیر تعمیر موبائل ٹاور کے محافظوں پر راکٹوں سے حملے کی اطلاعات ہیں۔
مقامی ذرائع سے سنگر کو ملنے والی اطلاعات کے مطابق گزشتہ رات نامعلوم مسلح افراد نے ڈسٹرکٹ بارکھان کے علاقے کچی جوگیانی میں بلوچستان اسمبلی کے رکن عبدالرحمن کھیتران کے نجی اہلکاروں پر اس وقت راکٹوں اور دوسرے ہتھیاروں سے حملہ کیا جب وہ ایک زیر تعمیر جاسوس موبائل ٹاور کے حفاظت پر مامور تھے۔
یاد رہے کہ کچھ عرصہ قبل سردار عبدالرحمٰن کھیتران نے نام نہاد بلوچستان اسمبلی میں بی ایل اے کو چیلنج کرتے ہوئے اپنے تقریر میں کہا تھا کہ میں ریاستی مشینریز کے ساتھ مذکورہ علاقے میں سڑک اور جاسوس ٹاورز کا کام ہر حال میں مکمل کرونگا۔
