بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں پنجگور میں پاکستانی فوج کے کیمپ پر راکٹ حملوں کی ذمہ داری قبول کرلی ہے۔
ترجمان کا کہنا تھا کہ بلوچستان لبریشن فرنٹ کے سرمچاروں نے ضلع پنجگور کے علاقے بالگتر میں پاکستانی فوج کے کیمپ پر اے ون کے گولے فائر کئے۔
انہوں نے کہا کہ سرمچاروں نے پیر اور اتوار کی درمیانی شب بالگتر کے علاقے سہاکی میں پاکستانی فوج کے کیمپ پر اے ون کے پانچ گولے داغے، جو نشانے پر جا لگے، جس سے قابض فوج کو بھاری نقصان اُٹھانا پڑا ہے۔ یہ کیمپ ایک اسکول پر قبضہ کرکے بنائی گئی ہے۔
ترجمان نے مزید کہا کہ بی ایل ایف اس حملے کی ذمہ داری قبول کرتی ہے۔ یہ حملے بلوچستان کی آزادی تک جاری رہیں گے۔
