بلوچستان میں ضلع ہرنائی کے علاقے شاہرگ میں خواست کے مقام پرنامعلوم مسلح افراد نے موبائل کمپنی کے ایک ٹاور کو دھماکا خیز مواد سے تباہ کردیا۔
سنگر کو ملنے والی اطلاعات کے مطابق حملہ گزشتہ رات دس بجے کے قریب ہرنائی کے علاقے شاہرگ میں خواست کے مقام پر یوفون کمپنی کے ایک ٹاورز پر ہوا ہے۔
حملے کے نتیجے میں ٹاور مکمل تباہ ہوکر گر گئی ہے ۔
حملے کی ذمہ داری تاحال کسی تنظیم نے قبول نہیں کی ہے۔
واضح رہے کہ بلوچستان میں اس طرز کے حملے آزادی پسند بلوچ مسلح تنظیموں کی جانب سے قبول کیے جاتے رہے ہیں۔ آزادی پسند تنظیموں کے مطابق غیر گنجان آباد علاقوں میں موبائل ٹاور کا قیام پاکستانی خفیہ ایجنسیوں اور فوج کی پالیسیوں کا حصہ ہوتے ہیں جن کا مقصد بلوچ سرمچاروں کی موومنٹ کو ٹریس کرنا ہے۔
