بلوچستان کے علاقے دکی اور اوتھل میں دو مختلف واقعات میں کرنٹ لگنے اور خسرہ سے بچہ سمیت 2افراد ہلاک ہوگئے۔
دکی میں جلال آباد کے علاقے متین کالونی میں خسرے سے بچہ ہلاک ہوگیا۔
ہلاک بچے کی شناخت 4 سالہ محمد بلال ولد علی محمد قوم ترہ کئی کے نام سے ہوئی۔
گاؤں میں دیگر متعدد بچے بھی خسرے کاشکار ہیں۔
دکی میں خسرے سے رواں سال اموات کی تعداد سات ہوگئی۔
دوسری جانب اوتھل میں پیر منگیاں کے قریب بجلی کا کرنٹ لگنے سے ایک شخص ہلاک ہوگیا۔
لاش کی شناخت نہ ہوسکی۔
ذرائع کے مطابق ایدھی کے رضاکار و پولیس نے لاش کو تحویل میں لے لیا۔
