انسانی حقوق کے معروف علمبردار اور وکیل ایمان مزاری نے کراچی میں عبدالحفیظ زہری کی رہائی کے موقع پر جیل کے سامنے پھر سے انٹیلی جنس اداروں کی جانب سے جبراً گمشدگی کی کوشش پر مائیکروبلاگنگ سائٹ پر اپنے تین سلسلہ وار ٹویٹس میں ردعمل دیتے ہوئے کہا کہ عدالت کی جانب سے رہائی کے حکم کے بعد بھی پاکستان میں ایک بلوچ محفوظ نہیں رہ سکتا۔
انہوں نے کہا کہ جیل سے باہر آتے ہی حفیظ بلوچ اور اس کے خاندان کی خواتین کے ساتھ وحشیانہ سلوک کیا گیا اس سے ثابت ہوتا ہے کہ بلوچ عوام کے خلاف نہ ختم ہونے والے جرائم کا کوئی احتساب نہیں ہوسکتا۔
ایمان مزاری نے جب بلوچ عوام عدالتوں کا رخ کرتے ہیں تو آپ انہیں اغوا یا قتل کرنے کی کوشش کرتے ہیں۔ جب وہ تعلیم کا رخ کرتے ہیں تو آپ روزانہ کی بنیاد پر طلباء کو لاپتہ کرتے ہیں۔
انہوں نے کہا کہ یہ دہشتگرد عسکری ادارے اور ایجنسیاں چاہتے ہیں کہ ہر بلوچ ان کے خلاف ہتھیار اٹھانے پر مجبور ہوجائے کیونکہ انہوں نے خود پرامن مزاحمت کے تمام دروازے بند کر رکھے ہیں۔
ایمان مزاری نے کہا کہ جب پرامن مزاحمت پر طاقت کا اتنا وحشیانہ استعمال کیا جائے تو آپ لوگوں کو کس طرف دھکیل رہے ہیں؟ جب تک conflict رہے گا، آپ سب ارب پتی بنتے رہینگے، اس لیے conflict برقرار رہنا آپ کے مفاد میں ہے۔
