بلوچستان کے ضلع اوتھل سے متصل تحصیل لاکھڑا کی یونین کونسل کے شہہ کے علاقے کر شیخ میں خسرے کی وباء پھیلنے سے دو بچے ہلاک ہوگئے جبکہ،کئی بچے متاثرہیں۔
مقامی ذرائع کے مطابق کسی قسم کی بنیادی طبی سہولیات نہ ہونے کی وجہ سے خسرے سے بچے ہلاک ہوگئے ہیں جبکہ متاثرہ بچوں کی تعداد بھی بڑھتی جارہی ہے جس سے علاقہ مکین کو شدید پریشانی کاسامنا ہے۔
ذرائع کے مطابق یونین کونسل شہہ کے علاقے کر شیخ میں وباء پھیلنے کی خبر سوشل میڈیا پر وائرل ہوتے ہی ڈپٹی کمشنر لسبیلہ کی ہدایت پر متاثرہ علاقے میں ہیلتھ کی ٹیم روانہ کردی ہیں۔
