اقوام متحدہ کے ادارہ برائے پناہ گزین (یو این ایچ سی آر) نے حکومت بلوچستان کو صوبے میں قرنطینہ کی سہولیات کو بہتر کرنے کی غرض سے 14 تیار شدہ ’رب یونٹس‘ فراہم کر دیے ہیں۔
رب یونٹس بڑے سائز کے اور خیمے سے ملتے جلتے عارضی ٹینٹ ہوتے ہیں جو اکثر ہنگامی صورتحال میں پناہ فراہم کرنے کے کام آتے ہیں۔
ادارہ برائے پناہ گزین کی جانب سے جاری کردہ بیان میں کہا گیا ہے کہ یہ ٹینٹ صوبائی ڈیزاسٹر مینیجمنٹ اتھارٹی کو دیے گئے ہیں جن میں کووِڈ 19 کے مشتبہ متاثرین کو رکھا جا سکے گا۔
