بی این اے کے ترجمان مرید بلوچ نے میڈیا کو جاری کردہ اپنے پریس ریلیز میں ضلع کیچ کے مرکزی شہر تربت کے آبسر میں بلدیاتی الیکشن کے پولنگ اسٹیشن پر فائرنگ کی ذمہ داری قبول کرلی ہے۔
مرید بلوچ نے کہا کہ کیچ کے علاقے آبسر میں ریاستی نام نہاد بلدیاتی الیکشن کے لیے قائم پولنگ اسٹیشن پر فائرنگ کی ذمہ داری قبول کرتے ہیں۔فائرنگ عام عوام کو بچاکر انتخابی عمل کو سبوتاژ کرنے کیلیے کیا گیا۔
انہوں نے کہا کہ بلوچ نیشنلسٹ آرمی کے سرمچاروں نے کل 29 مئی بروز اتوار سہ پہر تین بجے کیچ کے مرکزی شہر تربت کے علاقے آبسر میں بوائز سیکنڈری ہائی سکول میں قائم نام نہاد ریاستی بلدیاتی انتخابات کے لیے قائم پولنگ اسٹیشن پر فائرنگ کرکے انتخابی عمل کو نقصان پہنچانے کی کوشش کی اور وہاں سیکیورٹی کیلئے تعینات پولیس اہلکاروں کو بلوچیت کے بنا پر نقصان دینے سے گریز کیا اور انہیں سمجھانے اور تنبیہ کرنے کے بعد وہاں سے نکل گئے۔
ہم یہ واضح کرنا چاہتے ہیں کہ بلوچ اور قابض ریاست پاکستان کا رشتہ صرف اور صرف قابض اور مقبوض کا ہے اور بلوچ قوم قابض سے قومی آزادی چاہتی ہے۔ بلوچ عوام سے اپیل ہے کہ وہ ریاست اور اس کے زرخرید گماشتوں کے لالچ اور ڈر کی وجہ سے اس عمل میں شامل ہونے کے بجائے قومی آزادی کے جدوجہد میں شامل ہوکر اس قابض ریاست اور بلوچ نسل کُشی میں ملوث گماشتوں کے خلاف اعلانِ جنگ کریں۔
ہماری مسلح کارروائیاں ایک آزاد وطن کے حصول تک جاری رہینگی۔
