آزادی پسند قوم دوست رہنماء استاد واحد کمبر بلوچ نے اپنے ایک بیان میں بلوچ نیشنل موومنٹ کے کامیاب کونسل سیشن پر پارٹی کارکنان کو مبارکباد دیتے ہوئے کہا بی این ایم کے کامیاب کونسل سیشن پر پارٹی کی قیادت اور کارکنان مبارکباد کے مستحق ہیں جنھوں نے نامساعد حالات میں بھی کامیاب کونسل سیشن کا انعقاد ممکن بنایا اور پارٹی میں جمہوری عمل کے ذریعے نئی قیادت کا انتخاب کیا۔
انھوں نے کہا میں امید کرتا ہوں کہ نئی قیادت بلوچستان کی آزادی کے لیے قوم کو نظریاتی، سیاسی اور قومی سوچ کے تحت متحد کرنے میں ایک نئے جوش اور جذبے کے ساتھ کام کرئے گی اور عالمی سطح پر سفارتی کاری میں موثر طریقہ اپناتے ہوئے عالمی برادری کو بلوچ قوم کی مدد و تعاون کے لیے قائل کرئے گی۔
