سابق بی ایس او چیئرمین اور بی این ایم رہنما رحیم بلوچ ایڈووکیٹ نے سوشل میڈیا سائٹ ٹوئٹر پر بلوچستان کے ضلع چاغی میں پاکستانی سیکورٹی فورسز کی جانب سے سرحدی کاروباری افراد کیخلاف غیر انسانی وظالمانہ اقدامات اورگنڈہ راج پر ردعمل دیتے ہوئے کہا کہ
پاکستان کے ایف سی اہلکاروں نے چاغی میں تقریباً 200 گاڑیاں قبضے میں لے لیں، گاڑیوں کے ریڈی ایٹرز میں ریت ڈالی،ایک ڈرائیور کو گولی مار کر قتل کر دیا اور دوسروں کو صحرا میں درجنوں کلومیٹر پیدل چلنے پر مجبور کیا۔ ان میں سے تین راستے میں ہی دم توڑ گئے جن کی لاشیں جمعہ کو ملی تھیں۔ پاکستان میں بلوچ نسل کشی جاری ہے۔
