پاکستان کے صوبہ خیبرپختونخوا کے ضلع کرم میں نامعلوم مسلح افراد کی فائرنگ سے پاکستانی فوج کے 5 اہلکار ہلاک ہوگئے۔
پاکستانی فوج کے ترجمان آئی ایس پی آرکے مطابق ضلع کرم میں افغانستان سیحملہ آواروں نے سکیورٹی فورسز پر فائرنگ کی جس کے نتیجے میں 5 اہلکار ہلاک ہوگئے۔
آئی ایس پی آر نے دعویٰ کیا ہے کہ فورسز کی بھر پور جوابی کارروائی میں حملہ آوروں کو بھاری جانی نقصان ہوا ہے۔
آئی ایس پی آر نے بتایا کہ ہلاک ہونے والے اہلکاروں میں لانس نائیک، ضیاء اللہ خان، ناہید اقبال، سمیر اللہ خان اور سپاہی ساجد علی شامل ہیں۔
آئی ایس پی آر نے کہاکہ پاکستان حملہ آوروں کی جانب سے افغان سرزمین کے استعمال کی شدید مذمت کرتا ہے اور افغان عبوری حکومت سے مستقبل میں ایسی سرگرمیاں نہ ہونے کی توقع کرتا ہے۔
