تربت سول سوسائٹی کی جانب سے مند کے نوجوان اسپورٹ مین آدم شاہ مراد کو قتل کرنے کے خلاف تربت پریس کلب کے سامنے احتجاجی مظاہرہ کیاگیا۔
مظاہرین نے احتجاجی پلے کارڈز اٹھائے کیپٹن آدم شاہ مراد اور پنجگور میں تین نوجوانوں کو قتل کیے جانے کے خلاف نعرہ بازی کی۔
مظاہرہ سے خطاب کرتے ہوئے تربت سول سوسائٹی کے کنوینر گلزار دوست نے کہاکہ شہید آدم کا قتل اسی کا تسلسل ہے جو برسوں سے بلوچ نوجوانوں کے ساتھ کی جارہی ہے، شہید آدم منشیات سمیت سماجی برائیوں کے خلاف آواز بلند کرتے ریے اور اسپورٹس کے فروغ کے لیے کام کرتے تھے آدم بلوچ نوجوانوں کو منشیات سے دور کرتے ہوئے اسپورٹس سے منسلک کرنا چاہتے تھے لیکن بلوچ دشمن عناصرکو یہ ہضم نہیں ہورہاتھا اس لیئے شہید آدم کو بلوچ قوم سے دور کردیاہے۔
انہوں نے کہاکہ پنجگور میں گزشتہ روز ایک افسوسناک واقعہ ہیش آیا جس میں تین بے گناہ نوجوانوں کو نشانہ بنا کر شہید کردیا گیا آدم بلوچ اور ان تینوں کے قاتل ایک ہیں جو بظاہر نامعلوم ہیں لیکن حقیقت میں سب کو معلوم ہیں، مظاہرہ سے جماعت اسلامی کے ضلعی امیر غلام یاسین نے کہاکہ بلوچ معاشرے میں زندگی اجیرن بنا دی گئی ہے تمام شعبے سے تعلق رکھنے والوں کو ٹارگٹ کیاجارہاہے۔
سپورٹ گراؤنڈ میں نوجوان سپورٹ مین کوٹارگٹ کرکے شہید کرنا بہت سارے سوالات جنم دیتاہے۔کیچ انتظامیہ نااہل ترین انتظامیہ بن چکی ہے سرے عام ٹارگٹ کرنے والے قاتل انتظامیہ کی جانب سے نامعلوم قاتل تصور کئے جاتے ہیں۔ انتظامیہ اور اسٹیبلشمنٹ اپنی ضرورت کیلئے حالات خراب کرتے ہیں۔امن وامان خراب کرکے کیاحاصل کرناچاہتے ہیں۔
بی این پی عوامی کے رہنما ظریف زدگ نے کہاکہ شہید آدم اور پنجگور میں شہید دو نوجونواں کی شہادت قابل مذمت ہے سازش کے تحت پورے بلوچستان میں جان بوجھ کرعدم تشدد کاماحول پیداکیاجارہاہے آئے روز بلوچستان کے مختلف علاقوں میں بکوچ کو ٹارگٹ کیاجرہاہے جس میں تمام مکاتب فکر کے بلوچ نوجوان شامل ہیں تاکہ بلوچ نوجوانوں کو معاشرتی کاموں سے دور رکھاجاسکے۔
انہوں نے کہاکہ نامعلوم کون ہیں جوہروقت بلوچ کش واقعات کرتے چلے آرہے ہیں بلوچ نسل کشی بند کی جائے بلوچستان میں امن وامان کاقیام اس طرح ناممکن ہے اگر بلوچستان میں میں امان قائم کرنا ہے تواپنی پالیسیاں تبدیل کیئے جائیں۔
بی ایس او کے رہنما عقیل جلال نے کہاکہ آدم شاہ مراد جیسے بلوچ دوست سپورٹس مین کوشہید کرنا بلوچ قوم میں احساس محرومی اور خوف پیداکرنا ہے، مگر ایسے حالات خود ان کے پیدا کرنے والوں کے حق میں خراب نکلیں گے۔
بی ایس او پجار کے رہنما نوید تاج نے کہاکہ شہید آدم اور پنجگور میں تین نوجوانوں کی شہادت کی پرزورمذمت کرتاہوں شہید آدم کی شہادت صرف ایک فرد کی شہادت نہیں بلکہ بلوچ نوجوانوں کا قتل ہے شہید آدم ایک سپورٹس دوست نوجوان تھے جو اپنے علاقے میں نوجوانوں کو سپورٹس کی جانب مشغول کرنے کیلئے جدوجہد کرتے تھے لہذا انتظامیہ شہید آدم کے قاتلوں کو ڈھونڈ کرانہیں گرفتار کرے۔
پی سی بی کے ممبر شاہ دوست دشتی نے کہاکہ سب سے پہلے میں تربت سول سوسائی کامشکور ہوں کہ انہوں نے شہید آدم کیلئے آواز اٹھائی۔
انہوں نے مزید کہاکہ شہید ادہم کے خاندان کو انصاف فراہم کیاجائے اور شہید کے قاتلوں کو گرفتار کیا جائے۔
