تربت میں سیکورٹی فورسز کی فائرنگ سے شہید ہونے والے کمسن رامیز کی فیملی نے ڈپٹی کمشنر کیچ کے ساتھ مذاکرات تیسری بار ناکام ہونے کے بعدانصاف کیلئے کل سے کوئٹہ کی طرف مارچ کرنے کا اعلان کیاہے۔
احتجاجی دھرنے سے شہید بچے کے چچا چیئرمین خلیل رند نے خطاب کرتے ہوئے کہاکہ شہید رامیز خلیل کی فیملی نے فیصلہ کیا ہے کہ وہ انصاف کی حصول کیلئے کل سے میت کے ساتھ کوئٹہ کی طرف مارچ کرے گا۔
انہوں نے کہا کہ کل بروز پیر صبح 10 بجے ”شہیدرامیزخلیل مارچ ٹو کوئٹہ” کے نام سے کوئٹہ کی طرف مارچ کیاجائیگا۔
انہوں نے کہا کہ یہ مارچ آل پارٹیز کیچ کے تعاون سے کیا جائے گا۔
چیئرمین خلیل رند نے کہا کہ صوبائی حکومت کی بے حسی کو دنیا کے سامنے آشکار کرانے کے لیے مجبوراً کمسن رامیز کی میت لے کر کوئٹہ جانا پڑ رہا ہے۔
انہوں نے راستے میں تمام سیاسی جماعتوں اور عام لوگوں سے قافلے میں شرکت کی اپیل کی ہے۔
دھرنا مظاہرے سے بی ایس او کے چیئرمین ظریف رندنے بھی خطاب کرتے ہوئے کہاکہ شہید رامیز لانگ مارچ میں کوئٹہ میں وزیر اعلی اور گورنر سیکرٹریٹ کے سامنے دھرنا دے گی۔
