افغانستان میں طالبان کی حکومت تسلیم کرنیکا کوئی منصوبہ نہیں، کینیڈا

کینیڈا کے وزیراعظم نے کہا ہے کہ کینیڈا کا افغانستان میں طالبان کی حکومت تسلیم کرنے کا ’کوئی منصوبہ نہیں ہے۔‘

جسٹن ٹروڈو نے صحافیوں سے گفتگو میں کہا کہ ’انھوں (طالبان) نے طاقت کے ذریعے ایک منتخب جمہوری حکومت پر قبضہ کیا ہے۔‘

انھوں نے مزید کہا کہ یہ گروپ کینیڈا کے قانون کے تحت ایک ’تسلیم شدہ دہشتگرد تنظیم‘ ہے۔

جسٹن ٹروڈو نے یہ بھی کہا کہ کینیڈا نے طالبان کو اس وقت بھی تسلیم نہیں کیا تھا جب وہ 20 سال قبل افغانستان پر قابض تھے۔