بلوچ آزادی پسند رہنما ڈاکٹر اللہ نذر بلوچ نے کہا ہے کہ مذہبی انتہا پسندی کے عامل ریاست پاکستان کی پالسیوں کو عالمی طاقتوں کو سمجھنے کی ضرورت ہے۔
بلوچ آزادی پسند رہنما ڈاکٹر اللہ نذر بلوچ نے سماجی رابطے کی ویب سائیٹ ٹیوٹر پر اپنے پیغامات میں کہا ہے کہ
ایک مذہبی انتہا پسند تنظیم ٹی ایل پی کے ساتھ معاہدے کے بعد، پاکستانی فوج فرانسیسی سفیر کو نا پسندیدہ شخصیت قرار دینے کو ہے۔ عالمی طاقتوں کیلئے یہ سمجھنا کافی ہے کہ پاکستان کیسی ریاست ہے۔
ایک اور ٹیوٹ میں آزادی پسند رہنما نے کہا ہے کہ
ایران میں دو بلوچ مہاجرین کو ہلاک کیا گیا۔ اسی ماہ اپریل میں افغانستان میں چار بلوچ مہاجرین ہلاک کئے گئے تھے۔ ہم مہذب دنیا سے اپیل کرتے ہیں کہ وہ بلوچ مہاجرین کی حفاظت کریں جو پاکستانی بدنام زمانہ ایجنسیوں کے ذریعہ مسلسل ہلاک ہورہے ہیں۔
