بلوچستان لبریشن فرنٹ کے ترجمان میجر گہرام بلوچ نے چینی کمپنی زونگ کے ایک ٹاور کو نذر آتش کرنے کی ذمہ داری قبول کر لی ہے۔
میجر گہرام بلوچ نے کہا کہ ضلع کیچ کے علاقے دشت بل نگور میں قائم زونگ کمپنی کی موبائل فون ٹاور کی مشینری کو سرمچاروں نے نذر آتش کر دیا ہے۔ انہوں نے کہا کہ سی پیک روٹ پر موبائل ٹاور کی جال بچھا کر قابض پاکستانی فوج اپنے مخبروں کے ذریعے سرمچاروں کی نقل و حرکت سمیت اس روٹ کو محفوظ بنانے کے لیے چین کی مدد سے موبائل فون ٹاور لگا رہا ہے۔
انہوں نے کہا کہ ایسے کسی سامراجی منصوبے کو مکمل ہونے نہیں دیا جائے گا جو بلوچ قومی آزادی کی جد و جہد کے خلاف ہو۔
