گُل گَتیں باگءِ گُل کےءَ گُل گیر کتگ
ماہ کےءَ ماہ ءُ ماھلیں آھیر کتگ
سْیہ جھانگیرءَ پوش اِتگ ماتیں گُلزمین
ماھلءَ رُژنے گیدیءَ جَمبِیر کتگ
چاکری زُلم ءُ مِھر کُشیں دوداں چاکری
کے گُشیت ھانُل چہ مریدءَ دیر کتگ
ڈُھل ءُ سُرنا ءُ چاپ ءُ چوگان اِنت ھر گْورا
بیا کہ رِزوانءَ گوں زمینءَ سِیر کتگ
رَستگ اِش ھوناں پہ منا تچکیں مادنے
دژمن اِش راجءِ در چِتگ ٹِک تیر کتگ
بانورءِ ھنی بندیاں کاڑاں چاپ کتگ
ماھلءَ گُلباگءَ وتی منگیر کتگ
بیا مجید سر گِر کاروان رپتگ منزلءَ
جُنزءِ رھشون ما ھمک بیر گیر کتگ
