بلوچستان کے علاقت قلات میں مسافر کوچ اور زمباد گاڑی میں تصادم سے ایک شخص ہلاک اور پانچ زخمی ہوگئے جبکہ بلیدہ سے ایک نعش برآمد ہوئی ہے جس کی شناخت ظفر ملنگ کے نام سے ہوگئی ہے۔
قلات میں مہلبی کے قریب قومی شاہراہ پر مسافر کوچ اور زمباد گاڑی کے درمیان تصادم کے نتیجے میں ایک شخص ہلاک اور پانچ افراد زخمی ہوگئے۔
پولیس ذرائع کے مطابق حادثے کے بعد ہلاک شخص اور زخمیوں کو ڈسٹرکٹ ہیڈکوارٹر اسپتال (ڈی ایچ کیو) منتقل کردیا گیا ہے۔
حادثے سے متعلق مزید تفصیلات تاحال سامنے نہیں آسکیں۔
دوسری جانب بلیدہ کے علاقے سوراپ سے ایک نعش برآمد ہوئی ہے جس کی شناخت ظفر ولد ملنگ کے نام سے ہوگئی ہے۔
اطلاعات کے مطابق لاش پر گولیوں کے نشانات پائے گئے ہیں۔
لاش برآمد ہونے کے بعد اسے پولیس تھانہ سوراپ منتقل کیا گیا جہاں ضروری کارروائی عمل میں لائی جا رہی ہے۔
ابتدائی طور پر لاش کی شناخت نہیں ہوسکی تھی، تاہم بعد ازاں متوفی کی شناخت ظفر ولد ملنگ کے نام سے ہوگئی۔
ذرائع کے مطابق مقتول کو چند دن پہلے مسلح افراد نے اغوا کیا تھا۔
