"آ وھد پدا نیاینت”
"آ اکتوبرءَ ملکموت تو رد دات بلئے اے اکتوبرءَ ملکموتءَ ترا گوں وت بُرت”
24 ستمبر 2013ءَ زلزلہ بوت، زلزلہءَ رند رش ءُ کش اَت، آیگ ءُ روگ اَت، میڈیا والا، این جی اوز، اِھوالکار، ڈاکٹر ، بازیں نودربر کہ وتی وانگ اِش اِشتگءَ پہ زلزلہ زدگیں مردُمانی کُمک کنگءَ آھت اَتاں، ھما مردُم ھم آھتاں کہ آوان وتی پِس ءُ پیروکی ھنکین یلا دات اَت، کوئٹہ، کراچی، وندر، بیلہ اینگو آنگو لڑت اَتاں آ اوں پدا مشکےءَ آھت اَتاں، مشکے ھنچو رش اَت، سک باز ،پارٹی سنگتاں مشکے کالجءَ را کُمکی کیمپے جوڑ کُرت اَت، سنگت دروست ھمودا اَتاں، جنگ ءُ چوپ اَت، گڑومب ءُ گڑامب اَت، سنگت فوجءَ را جتاں ،فوج لس مھلوکءَ مارٹر جت یا ھیلی کاپٹرانی سرءَ چہ شیلِنگ کُرت ئے، فوجءِ مارٹراں چہ نلیءَ دو مردُم وتی دکانءَ بنت ھم شھید بوتاں،،، سنگتانی میڈیکل ءُ کُمکی کیمپ اَت شھید فدا جان ھمودا اَت ڈاکٹر، نودربر، بازیں اھوالکار ءُ بابا منان جان ھمودا اَت ،سنگتاں سوج دیگءَ اَت ، اے کار ءُ آ کار بابا دور سفرےءَ شوت اَت بیگاہءَ کہ زلزلہ بوت، من سک تُرس اِت اوں، بیگاہءِ نماز کُرت، مگربءِ، اشاہءِ، دروستیں نمازاں کُرت اوں،ساریءَ ھرکسءَ گُشتءَ مِرگءَ رند اَزاب بیت نوں کلامءَ شر جت زندگیءَ چُشیں مِرگءَ رند باریں اِشکرانی سرءَ مہ باں، زور پہ وپتوں، بلئے چمّانی تہءَ گسانی کپتگیں ندارہ ءُ ھما گِس من چمے وت چارگءَ بوتگ اوں کپتگاں کُلیں چو 2012ءِ تامرءَ (ھمے تامُر کہ مردُماں گُشت دسمبر 2012ءَ دنیا ھلاس بیت) ھیالانی تہءَ بناہ اَت ،پدا وتی پنچیں باناں دیست کہ یکیں جٹکہءَ گوں اَوار یکپارگی کپتاں، (ھچ نہ کپتیں کدی کپتگیں بانءِ بار) ھمے گُمان بوت ھر سھتءَ زمین سُرگءَ اِنت واکی سُرگءَ اَت
Aftershalks
داں سالے اِسکان ھست اَتاں، چم بند اَتاں سھتےءَ رند لھتیں مورسیکلانی توار بوت، لیٹ اِش نزیک بوتاں ، سر بوھگءَ گوں اوار مردُمے ھندگءَ اَت توار منان جانی ھندگانی اَت، دلءَ چہ آھے در آھت، منان جان اِنت،گُشی اوالی بگُش اِت شمئےءَ چہ کئے کئے مُرتءَ ءُ کئے ٹپی اِنت یکےءَ گُشت بابا امئے میتگءَ نہ کسے ٹپی بوتءَ نہ کہ کسے مُرتءَ، بلاھیں ھندگے جتے ءُ گُشی اررے نہ کسے ٹپی بوتءَ نہ کسے مُرتءَ ، من گُشتءَ پپی مپی زیاں شُما شوتگ اِت زانءَ ، رندءَ دیوان بوت بابا کہ آھت تُرس کم بوت من وپت اوں ، پیریں بیلچہ ءُ پررئی چارگءَ اَتاں مُرتگیں مردُماں کل کناں۔۔۔۔۔۔۔۔ سُھبءَ منی پاد آیگءَ ساری چاریں بابا نشتءَ وتی زھگاں گوں دیوان اِنت، میتگءِ دروست ھمودا اَنت من شوت اوں ھمودا نشتوں، تمو جانءَ بابا جُست کُرت پُل اے امئے باناں کئے دور داتگ؟؟ تمو جان گُشی اللّٰہ ءَ دور داتگاں۔۔۔۔۔۔۔۔۔۔۔۔۔۔۔۔
چونائیءَ من فدا جانی نام ھُشکتءَ محمد خانی زھگیں ءُ لیویزءَ اِنت ، بُرزینے بلئے یات نہ بیت کہ دیستءَ یا نہ، گزین من دیستگ، 2013 ءِ اکتوبرءِ ماہ اَت زلزلہءِ کُمکی کیمپءِ سرءَ فوجءَ اُرش کُرت، سیاسی سنگت، لس مردُم ھرکسءَ وتءَ یک شیپےءَ چیر دات، ھال بوت دو سنگت گار اِنت، گجرءِ بازارءَ بوتگاں فوجءِ تہءَ کپتگاں، رندءَ گپ بوت یکے درءَ بوتءَ دوھمی سنگت گار اِنت ،بازیناں گُشت ھمے گاریں سنگت ںشھید بوتگ، بلئے شھید بوتگیں کئے اِنت ، گُشت انور (فدا) کُجام فدا ،ھمے بُرزیں ،اڈ ئِے ءُ اللہ بوت، انور شھید بوتگ۔۔۔۔۔۔بیگاہءَ وشیں ھالے آھت کہ فوجءِ نیامءَ چہ در آھتءَ ءُ سلامت اِنت، بس ھمے جنگءَ رند فدا نامان بوت، سردو ءُ فدا ، چُشیں کس کسان ءُ مزنیں نیست کہ آ چہ سردوئی بھادری ءُ جنگاں چہ نہ آشنا اِنت ، سردو گُشئے پہ ھنیگیں دوداءَ اَں بالاچ بیرگیر اَت یا ھزاراں سمی آنی دودا اَت ۔۔۔۔۔۔ ھمے جنگءَ رند من فدا شریءِ سرءَ زانتگ کہ اَملی انسانے، اُمرءَ کسانیں بلئے زانت ءُ پہمءَ را گوں اُمرءَ کار نیست….
"experience does matter”….
2014ءَ مشکے کُلانءِ کورءَ امئے جاگہ اَت ، گزین ءُ فدا ھمودا آھتاں ، یک ءُ دو رندءَ شھید رحمت (ھاکُم) گوں کوچہ ھارونیءَ ھم آھت۔۔۔۔۔۔ خیر منی فدائی نیامءَ نہ سنگتی یے بوتگ نہ دگہ نزیکی یے بلے پہ من فدا وتی اَملانی وجہءَ بلاھیں ارزشتے داشتگ۔۔۔۔۔۔۔
رندءَ اما مزنیں شھرءَ اَتاں لیاقت ھمودا آھت، برے برے فدا ءُ سنگتانی اکساں نشان داتگ ئِے، وھد یکیں وھدءَ 10 کدم جنان اَت ءُ دیمءَ روان اَت، 2016 بوت ، ھمے وھدءَ بابا شھید بوت اَت، یک روچے منءَ فدا ھال کُرت وتی کارےءَ پہ ،لھتیں مردُم مھمان کنگی اَتاں، گُڑاں گُشی باز نان ءُ آپ اِش پہ کنئے من گُشت بے فکر بو ۔۔۔۔۔۔۔۔۔
ؒلھتیں وھدءَ رند من الاکہءَ شوت اوں ، منی سر فدا جانی گِسءَ کپت، رش اَت، اے ھم شومیں ستمبر ءُ اکتوبرءِ ماہ اَت، من نہ زانت کہ "آ اکتوبرءَ فداءَ ملکموتءَ را رد دات اَت بلئے اے اکتوبرءَ ملکموت زور بیت ءُ فدا جانءَ گوں وت بارت” گزین ءُ فدا جان ھمودا اَتاں ، وشی ءُ جوڑی بوت، کُلءِ ساھگءَ فدا وتی ریشءَ کوٹ کنگءَ اَت، رندءَ کُلءِ تہءَ نشتاں، چیکس وھدءَ رند من سنگت دیست اَتاں دلءَ گُشت منان جانی گپے پہ کن، الاکہءِ گپے پہ کن چوناھا من ھرچ جاگہ گپءَ شرو کنیں،بابائی گپے، مزاکے، ترانگے، کولے اَلم کاریں، دل گُشیت بابائی گپ بہ بیت ، بگندئے اے گپءَ دل منگءَ تیار نہ اِنت کہ منان جان نوں ایوکءَ ترانگے راستیءَ مئے گوں نہ اِنت ۔۔ من فدا جانی کرا ھم بابائی گپے کُرت، کسھے آرت، گُوشے داشت ءُ رندا گُشی "آ وھد پدا نیاینت”۔۔۔۔۔۔۔
کمو نشتاں لیاقت گُشت رواں دُکانءَ نوکیں مورسیکلے ھست اَت ، آرا زورت شوتاں دُکانءَ چیز گت ءُ پدا آھتاں، لیاقت گُشی آپے ھستیں کمو دور اِنت من گُشت دوریءِ مسلہ نہ اِنت برواں، من، لیاقت، اقبال کہ لیاقت آرا (اقبالِ جُرم) توار کُرت ،شوتاں جان شوشت بیگاہءَ آھتاں سنگت کُلیں شوت اَتاں اینگو آنگو، چاریں مورسیکلے ایر اِنت ،لیاقتءَ گُشت موکہ ھمیشیں بچّءَ برواں، اقبال زورت ٹیٹ چکر کُرت،،۔(دگہ روچے اقبال گون اَت جاھلی کُرت ئے گُشی منءَ بہ دئے مورسیکلءَ من چلاینیں، من نزانت چلاینگءَ نہ نزانت ءُ اُمرءَ دورے اوں دات)،،، شپءَ آھتاں نان نیست مھلوکءَ وارتءَ ءُ مارا دلءَ بُرتگ اِش ، پدا منی اوالی روچیں مھمان اوں ، ابّا محمد خان زھگانی سرءَ جاک کُرت نان پہ کنے ، نان کُرت اِش کمو دیر بوت گُشی زانءَ سردار علی حیدری داوت اِنت نان چُش دیر کنگءَ اِنت ھھھھھھ ۔۔۔۔۔۔۔۔۔۔۔
فدا جان دوھمی روچءَ آھت، دیوان اَت ،پتائی اَت، چاہ ءُ سگریٹ، بازیناں بلاہ بلاھیں ڈائیلاگ جت بازیں ھاموش اَت، من ءُ مھران ءُ لیاقت جاگھے مھمانیءَ شوتاں، مھران وَ امئے سنگتیں، دلبریں مردُمے برے مزاک کُرت ئِے، برے کسہ کُرت ئِے ، نان وارتاں پدا بیگاہءَ آھتاں وتی جاگہءَ ،گُھرام ھمودءَ اَت، سک نادراہ اَت، گھرامءَ چے زانت کہ لھتیں روچءَ رند آ ھم شھید بیت ءُ چہ اے نادراھیءَ پہ مدامی آسرات بیت۔۔۔۔۔ من ءُ مھران، لیاقت بس گسءَ نشت اَتاں، دیوان اَت، ورگ اَت، کوکار اَت، مجلس ءُ پتائی اَت، سگریٹ دوت دَاوکائی اَت، بلئے انگت ھم دلءَ گُشت مھرانی نوکیں مورسیکلءَ را بزور چکر پہ کن خیر زورتنے دکانءَ شوتاں چکر ھم جت، مھرانی مورسیکل نوک اَت آدگہ کسءَ نہ دات ئِے ، بلے اما دوئیں دل نہ بوتاں مھرانءَ پہ کڈن کنگءَ پمیشکا ما ھم اے چیزءِ فائدہ زورت ءُ مورسیکلءَ ٹیٹ گَشتاں، چکر جت۔۔۔۔۔۔
شپ کہ بوت ھرکسءَ کسانیں مُچی یے کُرت اَت، ھمودا نشت اَتاں دیوان اَت ،من ھیران اتوں کجام مُچیءَ دیوان پہ کنیں ، برے ایشی دیوانءَ نشتوں برے آئی چاریں شھید فدا جان اوں ھمے پیم کنگءَ اِنت من گُشت من نزانیں کُجام مُچیءَ دیوان پہ کنیں ، ھمیکس جاگہ اَنت برے ایشی کِرا رائیں برے آئی کِرا فدا جان ھندت ءُ گُشی من ھم تئی وڑا برے ادا رائیں برے اودا رائیں دیوان کنیں۔۔۔۔۔۔۔۔۔
یک شپے آ شوت اَت جاگھے چموداں پہ من ءُ لیاقت پہ
dew
یے ارت اَت ئے، ھمے گڈی شپ اَت کہ سھبءِ سرءَ فدا جان پہ مُجتی نمیران بوت، ھمے شپءَ پد یک زرنگیں سرمچارے چہ بلوچ راجءَ شوت، یک الگریں پاسپانے کہ آئی پہ دروستاں پھر بست اَت، یک تمردیں مزارے کہ آئیءِ مزار بیمیءَ چہ نوکیں جوزھے بناہ اَت ۔۔۔۔۔۔۔۔۔۔۔۔۔ اما شپءَ وسپگءَ دگہ جاگھے شوتاں سُھبءِ سرءَ آھتاں چاہ وارت ، کوکار بوت ھلہ فوج اِنت، ھیلی کاپٹر اَنت، من،لیاقتءُ اقبال (اقبالِ جُرم) فدا جانی آرتگیں ڈیوءَ را زورت ءُ شوتاں جنگلءِ نیمگءَ ، اما دلءِ تہءَ گُشت فوج کیت ءُ گسے سوچیت ءُ پدا روت، اما گوں دلءَ شھید فدا جانی آرتگیں ڈیو وارت ءُ اکس کش اِتاں، ھیلی کاپٹرانی شیلنِگءِ توار بوت، پیش آنی تہ شوتاں وتءَ چیر دات بلئے اما انگہ دلجم اَتاں اے ھیلی کاپٹر ھنچو شیلنگ کنگءَ اَنت اے فوجءِ آدت اِنت ۔۔۔۔۔ یک گنٹھے کپےءَ رند یکے یے توار بوت بیا اِت ،بیا اِت۔۔۔ شوتاں ، گھرام ٹپی اِنت تیراں سیرین گِتگ نشت کنگءَ نہ اِنت، ڈرپ جت، وار وارءَ گُشگءَ اَت من شھید بیں، نہ بچ ایں۔ اما گُشت نہ ھچ نہ بیت ترا، بس ڈرپءَ جناں وش بئے ، پدا گُشت ئے من شھید بوت اوں منءَ مشکےءَ کل کن اِت ۔۔۔۔۔۔۔۔ دو پیریں ھمدا اَتاں برے یکے سوجے دیگءَ اَت، برے یکے کساس کنگءَ اَت چُش پہ کن اِت، آ پہ کن اِت۔۔۔۔۔ اے کساس کنگءِ وھدے نہ اَت ۔۔۔۔۔۔ گُھرام ھوش ءُ بے ھوش اَت ، جُست کرت دوھمی سنگتے کسے گون نہ اِنت نہ؟؟؟ گُشت اِش دگہ دو سنگت شھید بوتگ۔۔۔۔۔۔ کئے اَنت، کئے اَنت پیرین انچے یکےءَ گُشت کہ یکے فدا اِنت ۔۔۔۔۔ من ھلاس بوتاں ،لیاقتءَ چارت نزانت کہ دلاسءَ بہ دینے، ما دروست یکے دوھمیءَ چارگءَ اَتاں ، اجیبیں تُرسےءَ گور جت ، فدا جانی آرتگیں ڈیو کہ اما وارت اَت ،دپءَ جور بوتاں، چم تھار بوتاں۔ نُک ھُشک، ھرکس وتی گپءَ کنگءَ اَت یکے گُشیت فدا جانی جاگہ من بشوتیناں، ھرکسءَ وتی نازاکیں مارشت ایر کُرتاں ۔۔۔۔۔۔۔۔ من لیاقت چارِت کہ آئی براس، کوپگ، آوانی گسءِ روکیں چراگ ءُ سنگتاں پہ سردوءَ پد ھما بالاچ بیرگیر اَت وتی ھم سنتّیں دودا آنی بیراں گرگءَ اَت، وتی مونِسیں سمّی آنی دودا اَت ، چنچوکہ پھر بست اَت، چنچوکءَ اُمیت بست اَت، چنچوکءِ واھگ گوں فدا بندوک اَتاں بلئے جنگ ھر وھدءَ آ پیم نہ بیت کہ مئے واھگ اِنت ،مرچی گُش ئے من بلوچے بوھگءِ مُزدءَ زانگءَ اتوں، مرچی گشئے من بلوچے بوھگءِ وامءَ دیگءَ اتوں ۔۔۔۔۔۔۔۔۔۔ من لوٹ اِت کہ لیاقتءَ دلاسءَ بہ دیاں بلے آ چہ دلاسءَ آ دیم اَت ھنچو گار اَت کہ ارسے ھم نہ رتک ئے، باز مردُم گریوگءَ ایبے گُشنت چو نہ اِنت ھمے جزبات باندءَ روچ دگہ رنگے تہ تئی نفسیاتءَ پدر بنت، ترا نفسیاتی جیڑھانی آماچ کننت، personality disorder آنی نیمگءَ براَنت ۔۔۔۔۔۔۔۔۔
اما گسءَ آھتاں ، مھران بدل اَت ، آ مھران نہ اَت، کہ ساریءِ روچءَ اَت آئی چم سُھر اَتاں ،ھمے گُمان بوت ارسءِ جاگہ ھوناں تِنگار کُرت اَت، مھرانی مزاک ھلاس اَتاں نوں کسہ نہ کرت ئے ءُ گزین ھم ھمے پیم اَت، بس ما کُل ھاموش اَتاں منءَ اے گِس ورگءَ اَت ھمے جاگہ کہ مُچیانی ھنکین اَت ، گشئے چو آسے منءَ بُن دیگءَ اَت، چو مارےءَ منءَ پیلکگءَ اَت، زردءَ را دجگءَ اَت، کُلیں ندارہ اوشتات اَتاں، الاکہءِ بیگاہ بے کیف بوتاں، کُلیں آں وتءَ ابیتکیءِ جامگے گورءَ دات اَت ۔۔۔۔۔۔۔۔۔۔
فدا جانی گپ ،دیوان، مزاک ءُ کسہ دروست گیر پیداک اَتاں منءَ ھمے گُمان بوت مئے بلاھیں کوھے پروشتگ ، فدا جانءَ انگت پہ ما اِسپرے بوھگی اَت، فدا جانءَ انگت میارجلیءِ دود دیمءَ برگی اَت، فدا جانءَ انگت بلوچءِ پاسپان بوھگی اَت، چے گُشت کنت مردُم ۔۔۔۔۔۔۔۔۔۔۔۔۔ مہران مرچاں پیشی وڑءَ نہ اِنت، آئی مزاک، مھر، کسہ بدل اَنت بلئے منءَ ءُ لیاقتءَ مہران انگت دوستیں ، آ انگت مئے سنگتیں آ انگت مئے اِسپریں۔۔۔۔۔۔۔۔۔۔۔۔۔۔۔۔
بس فدا کہ گیر کئیت تاں ھمے گپ گیر کئیت ۔۔۔ کہ
"آ وھد پدا نیاینت”
نوں ما باز جیڑتگ ،
نوں ما اوں شریءَ زاناں ۔۔۔۔۔۔۔۔۔۔۔
ھو
"آ وھد پدا نیاینت”
