بلوچستان کے ضلع چاغی کے مرکزی شہر دالبندین میں تفتان شاہراہ پر ڈھڈر کے مقام پر نامعلوم مسلح افراد نے محکمہ ایکسائز کی عارضی چیک پوسٹ پر حملہ کر دیا۔
پولیس کے مطابق حملہ آور محکمہ ایکسائز کے 3 اہلکاروں کو دو سرکاری گاڑیوں اور سرکاری اسلحہ سمیت اپنے ساتھ لے گئے۔
پولیس کا کہنا ہے کہ واقعے کے وقت ایکسائز اہلکار عارضی چیک پوسٹ پر ڈیوٹی انجام دے رہے تھے کہ مسلح افراد نے حملہ کیا۔
حملے کے بعد مسلح افراد مغوی اہلکاروں، سرکاری گاڑیوں اور اسلحے سمیت فرار ہوگئے۔
واقعے کی اطلاع ملتے ہی پولیس کی نفری موقع پر پہنچ گئی اور علاقے کو گھیرے میں لے کر حملہ آوروں کا سراغ لگانے اور مغوی اہلکاروں کی بازیابی کے لیے کارروائی شروع کر دی گئی ہے۔
پولیس ذرائع کے مطابق واقعے کی مزید تحقیقات جاری ہیں جبکہ حملہ آوروں کی شناخت اور فرار کے راستوں کا بھی تعین کیا جا رہا ہے۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
